‏إظهار الرسائل ذات التسميات اعتبروها تخاريف. إظهار كافة الرسائل
‏إظهار الرسائل ذات التسميات اعتبروها تخاريف. إظهار كافة الرسائل

الثلاثاء، 10 يونيو 2008

تخاريف


بحـــبــحـــــة

انا مش عارفنى أنا توهت منى أنا مش أنا

لادى ملامحى ولا شكلى شكلى ولا ده أنا


كتبت الأه بقلمى كسرتوا سن قلمى وبرده بقول قدر

حزين من صغر سنى ومين ع الأه يعينى

ووخدانى الخطاوى لسكه تايهه منى


أبص لروحى فجأه لقيتنى .. لقيتنى كبرت فجأه كبرت

تعبت من المفاجأه ونزلت دمعتى


قوليلى ايه يا مرايتى قوليلى ايه حكايتى تكونش دى نهايتى وأخر قصتى

أنا مش عارفنى أنا توهت أنا مش أنا ..

لا دى ملامحى ولا شكلى شكلى ولا ده أنا


يا بختك يا عبد الباسط بتقدر تقول

فى غيرك مش بيقدر ويمكن أنا منهم

معرفش ده جبن منى

معرفش خايف من اٍيه

أوقات كتير ببقى عايز أصرخ

ببقى عايز أقول

وارجع فى كلامى تانى وأقول يا واد خليك فى حالك

صدقونى أوقات مش بعرف نفسى

بحس اٍحساس فظيع

بحس اٍنى ظالم

واقول لنفسى طيب ظالم ليه يعنى اٍنت ياواد باٍيدك ايه

هو ده العالم

كل يوم فيه مفاجأه

عالم مليئ بالغموض

عالم أنانى حقير

كل صبح يصبح عليه أقول كل ظالم له نهاية

وسواسى يقولى قول مهما تقول محدش هيسمعك

عشان اٍنت اللى ظالم من البداية


أرجع أقول طيب ظالم ليه طيب واٍنت ياواد باٍيدك اٍيه

الله يسامحك يا والدى

علمتنى اٍن عشان أعيش لازم أخاف ومختشيش

وفضلت أخاف وأخاف وأخاف

وحرمت نفسى من الكتابة

ودلوقتى أنا اٍيه ؟ أنا مين ؟

اٍنسان غريب فى هذا العالم

عايش أيامى بعشوائية

شوية فوق

شوية تحت

شوية حزن

شوية فرح

شوية تفائل

شوية تشائم

شوية أمانى على حبة كئابة

.............................................

اٍعتبرونى بخرررررررررف

علاء سيد

الأحد، 18 مايو 2008

عايزين تعرفوا أنا مين .....

قلمى .. ليه عندك رجاء !! لا تنحنى وكمل كتابك ... صاحبك مقدر عذابك
هــذا أنا
طائر ومكسور جناحه بيضحك بين الطيور ومحدش يعرف مناحه
هــذا أنا
المظلوم السجين .. وحكمة محكمة السنين بعدم أطلاق سراحه
هــذا أنا
القلب الحزين .. شايل جواه كتير أهات وحزن وشجن وكلام لا يمكن يبوحه
هــذا أنا .... الضاحك الباكى