الجمعة، 13 يونيو 2008

عــودة صلاح الدين



عـودة صلاح الدين


كلنا عارفين طبعاً اٍن العالم العربى فى الوقت الحالى غير مستقر تماماً

و مش بس كده الظلم ساد والاٍحتلال رجع تانى بس منظور تانى

وقهر واستعباد وبلاوى منيله بنيله

فى رأى أهم هذه الأحداث

الأقصى الأسير

الغريب فى الموضوع ده

انك لو اتكلمت مع حد عن الأقصى الأسير وعن الأحداث

الجارية حالياً فى فلسطين

تلاقيه يقولك القدس مش هيتحرر غير لما يرجع صلاح الدين

وبنشوف ونسمع شعارات كتير منها

مثلاً خيبر خيبر يا يهود صلاح الدين سوف يعود

طيب بالعقل كده هو اللى بيموت بيرجع تانى ؟؟

طبعاً لا

طيب ايه حكاية عودة صلاح الدين من جديد

من وجهة نظرى المقصود بعودة صلاح الدين يعنى

ميلاد صلاح الدين من جديد

طفل جديد يتولد ويكبر ويبقى صلاح الدين

كل ده ليه عشان يحرر القدس

كل ماافكر فى الموضوع ده أسأل نفسى أسئلة كتيرة ياترى ياهل ترى

هو صلاح الدين الجديد اٍتولد ولا لسه ؟

طيب هو منين ؟ يعنى مصرى ولا فلسطينى ولا سعودى ولا عراقى

ولا لبنانى ولا جزائرى ولا سودانى ولا منين بالظبط ؟؟

طيب ليه ميكونش صلاح الدين الجديد ده اٍتولد بالفعل وليه ميكونش

شاب دلوقت

وليه ميكونش أنا مثلاً أو حد من أصحابى أو حد أعرفه


وممكن يكون مش مصرى ومعرفوش أصلاً

طبعاً هو مسلم طيب هيكون سنى ولا شيعى ؟

طيب طريقة تفكيرة هتكون زى عمرو خالد كده

ولا ممكن تشبة طريقة تفكير الشيخ محمد حسان أو محمد حسين يعقوب

وليه ميكونش يشبه حسن نصر الله

طيب ياترى يشبه مين ؟؟

طيب اٍسلوب كلامه عادى زينا كده ولا باللغه العربية الفصحاء

طيب طريقة لبسه ياترى هتكون ازاى

هيلبس جلابيه بيضاء ولا بنطلون وقميص ولا بدله ولا ايه بالظبط ؟

طيب تسريحة شعره هتبقى ازاى ؟

طيب هيبقى خريج ايه هل ياترى تجارة زى حالاتى ولا حقوق ولا طب

ولا هندسة ولا أصول دين أو شريعه أو فنون جميلة ؟

طيب أكيد هيبقى معاه موبايل ياترى موبايله نوعه ايه ونغمة الموبايل ايه ؟

طيب لو اٍفترضنا اٍنه موجود حاليا ً هيحرر القدس لوحده ولا هيبقى معاه جيش ؟

طبعاً هيبقى معاه جيش

طيب هل فى جيش؟

أكيد فى بس مش متحمس أو مش غيور على الأقصى الجريح

طيب ياعم علاء انت عمال تسأل عن صلاح الدين وموصفاته

عايز تقول ايه وتقصد ايه

أقولكم أقصد ايه ودى وجهات نظر

أقصد ان ليه مكونش انا صلاح الدين وصاحبى صلاح الدين

وابويا صلاح الدين واخويا صلاح الدين وجارى صلاح الدين

والمسئول فى بيته صلاح الدين وفى شغله صلاح الدين

وفى حياته كلها يبقى صلاح الدين والست اٍبنها يبقى صلاح الدين

وجوزها يبقى صلاح الدين وأخوها يبقى صلاح الدين

بالراحة علينا ياعم وقول تقصد ايه

أقصد اٍننا عشان نغزو العالم وعشان نحرر القدس

ده مش بالسهل

لازم فكر جديد وحياة جديدة ومتفهمونيش غلط بفكر جديد

لازم ثقافة جديدة لازم نغير من نفسنا

لازم يبقى عندنا وعى واٍدراك كامل

يعنى عشان نبقى متقدمين ونجبر العالم كله على اٍتباع سياستنا

ده مش سهل من وجهة نظرى

كل واحد مننا يأهل نفسه على اٍنه يبقى هو صلاح الدين

يعنى لازم صلاح الدين يبقى موجود فى كل بيت

الطفل لما يتولد لازم يتربى على اٍنه هو ده صلاح الدين

مش لمؤاخذه يتربى على الكليبات والأغانى والأفلام والموضه

وطبعاً مش هينفع يتربى على كده الا لما يبقى أبوه كده وعمه كده

وأخوه كده وجاره كده يعنى لازم كلنا نغير من نفسنا

عشان يبقى عندنا مجتمع كويس وصالح ومنتج ومتدين وقوى

وأهم شئ اٍنه لازم كل طفل يتولد ويتربى على الاٍخلاص

الاٍخلاص فى تفكيره و فى مزاكرته وفى حياته وفى كلامه

عشان لما يكبر يبقى مخلص فى شغله ومخلص فى بيته

وبكده لما يجى بقى صلاح الدين الجديد اللى هيحرر القدس

يلاقى جيش قوى يلاقى جيش مخلص


يا مسلمين !! ياعرب !!


اٍمتى بقى هنرجع الأقصى ؟


قبل مايرجع الأقصى لازم الخباز يكون مخلص فى عمله والسباك

مخلص فى عمله والنجار مخلص فى عمله والدكتور والمهندس

والساعى والموظف والمدير والمزارع وعسكرى المرور

والمسئول الكبير بتاعنا مخلص فى عمله

لازم نبقى كلنا مخلصين عشان

نقدر نرجع الأقصى الأسير

أخيراً

نحن قوم أعزنا الله بالاٍسلام فاٍن اٍبتغينا العزة بغيره أذلنا الله


.............................................

علاء سيد

الثلاثاء، 10 يونيو 2008

تخاريف


بحـــبــحـــــة

انا مش عارفنى أنا توهت منى أنا مش أنا

لادى ملامحى ولا شكلى شكلى ولا ده أنا


كتبت الأه بقلمى كسرتوا سن قلمى وبرده بقول قدر

حزين من صغر سنى ومين ع الأه يعينى

ووخدانى الخطاوى لسكه تايهه منى


أبص لروحى فجأه لقيتنى .. لقيتنى كبرت فجأه كبرت

تعبت من المفاجأه ونزلت دمعتى


قوليلى ايه يا مرايتى قوليلى ايه حكايتى تكونش دى نهايتى وأخر قصتى

أنا مش عارفنى أنا توهت أنا مش أنا ..

لا دى ملامحى ولا شكلى شكلى ولا ده أنا


يا بختك يا عبد الباسط بتقدر تقول

فى غيرك مش بيقدر ويمكن أنا منهم

معرفش ده جبن منى

معرفش خايف من اٍيه

أوقات كتير ببقى عايز أصرخ

ببقى عايز أقول

وارجع فى كلامى تانى وأقول يا واد خليك فى حالك

صدقونى أوقات مش بعرف نفسى

بحس اٍحساس فظيع

بحس اٍنى ظالم

واقول لنفسى طيب ظالم ليه يعنى اٍنت ياواد باٍيدك ايه

هو ده العالم

كل يوم فيه مفاجأه

عالم مليئ بالغموض

عالم أنانى حقير

كل صبح يصبح عليه أقول كل ظالم له نهاية

وسواسى يقولى قول مهما تقول محدش هيسمعك

عشان اٍنت اللى ظالم من البداية


أرجع أقول طيب ظالم ليه طيب واٍنت ياواد باٍيدك اٍيه

الله يسامحك يا والدى

علمتنى اٍن عشان أعيش لازم أخاف ومختشيش

وفضلت أخاف وأخاف وأخاف

وحرمت نفسى من الكتابة

ودلوقتى أنا اٍيه ؟ أنا مين ؟

اٍنسان غريب فى هذا العالم

عايش أيامى بعشوائية

شوية فوق

شوية تحت

شوية حزن

شوية فرح

شوية تفائل

شوية تشائم

شوية أمانى على حبة كئابة

.............................................

اٍعتبرونى بخرررررررررف

علاء سيد

الأحد، 18 مايو 2008

حوار مع قلبي ....

حوار جميل عجبنى عشان كده نقلته فى المدونة بتمنى يارب يعجبكم
حوار مع قلبي ....
دقت الساعة الواحدة ليلاً والقلق الذي خيم علي أفكاري منعني من النوم ... " أوف "
أريد أن أعرف . إلي متي سأظل أسير القلق ومتي سأتخلص من أوهام الزيف الرائجة ؟
الحل الوحيد أن أختلط وأبحث عن صديق أسامره وأتحدث معه
... نعم فالوحدة هي مصدر قلقي ومصدر إلهامي التفكير ...
لكن من سيجلس معي في مثل هذا الوقت المتأخر من الليل حتى شخصيتي
التي كنت دائما ما أجلس معها نائمة الآن . وكذلك ضميري .
فأنا متشاجر مع ضميري وأمتعنت عن الكلام معه من فترة طويلة ....
حتى أفكاري الآن مشتتة لا استطيع أن أجلس ولو مع فكرة تأنس وتسلي وحدتي ....
اممممممم طيب تعمل ايه يا واد >> تعمل ايه؟ أمم لا يوجد غير قلبي ..
فقد اتفقنا أن نجلس سوياً وبدون أي عنف أو تعصب للعمل علي حل
ولو جزء بسيط من المشاكل الطاغية علي حياتي ..
نعم قلبي .... هو الوحيد الذي أستطيع أن أجلس معه الآن .
هممت بالنهوض ورفعت سماعة التليفون . واتصلت بقلبي ... !!
ما هذا صوت امرأة يخبرني بأن [ الرقم المطلوب غير موجود بالخدمة ]
هل هذا غير معقول !
أن يغير قلبي مفتاحه السري حتى لا أستطيع أن اتصل به . لا . لا . غير معقول .
سأحاول مرة أخري ..مرة أخري اتصلت والمفاجأة أسمع صوت رنين
... يدل علي أن هذا الرقم مشغول الآن ...مشغول !
قلبي . مشغول . مع من مشغول . ومع من سيتحدث غيري هذا المجنون .
انه قلبي أنا أنا وحدي ...
وضعت سماعة التليفون وكلي غيظ مما حدث القلب ابن القلب !
مع من مشغول .. مع من يتحدث ..
فقد نبهت عليه آلا يتحدث مع أحد أي أحد إلا بإذن مني .آه . آه لو أراه الآن
. * جرس الباب ؟ نعم إنه صوت جرس الباب !
فتحت الباب .... من علي الباب ... ههه ... إنه قلبي ...
نظرت إليه نظرة إستحقار بها ما بها من غيظ وانحطاط من جميع أفعاله
التي يقوم بها هذا القلب الأعور
... ومع العلم أني أن ديل القلب عمرة مايتعدل ...
إلا إذا وجد من يواسيه ويعطف عليه .. ويغمره في طيات عطفة وحنانه .
أذنت له بالدخول ..
دخل ولم يلقي علي السلام ولا أي شئ ..يبدوا أنه هو أيضا مغتاظ مني ...
أم . الله اعلم جلس بعيد عني .. ألحظ عليه أثر عراك وشجار .
فنبضاته سريعة . متلاحقة شديدة أسمع صوتها ..انعقد حاجباي من ذلك ..
وقلت له .. هون علي نفسك . وخيرته .. هل آتي لك بكوب شاي ..
فنظر إلي وقال شاي !! حرام عليك . هو أنا ناقص حرقة دم ..
مش كفاية حرقة الدم إلي أنا فيها هذا أصلاً ما كنت أريده ..
فليس في البيت إلا قليل من الشاي الذي يكفيني وحدي ..
وفر لهذا السبب بالذات أحب قلبي ...
مريح جداً بادرت بطرح سؤال عليه .. به استنكار
س : مع من كنت مشغول ؟ فقال لي : لا أعلم .... قلت ماذا لا تعلم !
ولكنك كنت مشغول الآن .. وقد علا صوتي في هذا السؤال من شدة الغيظ
فقال لي وقد أنتفض من مكانه .. قلت لا أعلم ..
اسأل نفسك أنت فقلت له أسأل نفسي . ومالك ومال نفسي فقال لي .
أنت الذي شغلتني . أنت السبب
[ تمشي في أي طريق وتري تلك وتلك وتعجب بهذه وتحب هذه .
ويبدأ عقلك في التفكير . وتنشغل ذاكرتك .... وأنا القلب المسكين . أصدق كل هذا .
وأتحمل أعباء التفكير والانتظار .. ]
ثم إستطرق الحديث معاتباً حرام عليك . إرحمني . إرحمني . كلها أشياء تافهة .
لو أردت أن تشغلني اشغلني بشيء مفيد .. ارحم قلبك المسكين .
الذي لا طالما غاب عنك حبيبك وبكت عيناك .
أتعذب أنا وأنفرط من شدة الشوق . إلي أن أكاد أخرق القفص الصدري .
وأخرج من جسدك محرراً نفسي من تعذيبك لي ...ثم أكمل حديثة . وقال .
هل سالت نفسك اليوم لما أنت قلق بهذه الدرجة ..
قلت له مجيبا . لا لم أسال نفسي ولكني أتوقع أن سبب قلقي هو الوحدة .
نعم أنا اعرف نفسي ضحك مني ومن كلامي بكل سخرية
وقال . لا تعلم شيئاً عن نفسك إنما سبب قلقك ... هو نحن .
فسألته مستنكراً أنتم ومن أنتم ؟
أجابني قائلاً : أنا القلب , والصدر , والعقل , والضمير كلنا نشتكي من تصرفاتك .
حتى العين العضو الوحيد الذي يشاركك في حياتك الظاهرة . اشتكت منك
.ضحكت ضحكة طويلة ..
وقلت له وأنا أضحك ومنغمر في الضحك إشتكوتوني وأين إذن أشتكوتوني ؟
فقال : إلي قاضي الجسد الأعظم . فخامة الأستاذ الشعور ههههه .
الشعور هو قاضي جسدي .
وأين كان مكان الاجتماع قلتها وأنا اسخر من مما يقول هذا القلب المخبول
ذا النبض الذي يشبه قرع الطبول ... هههههه
فقال لي في مقر المشاعر والأحاسيس في الجسد وتجاهلت كل ما يقول وسألته وعلاما اتفقتم إذن ؟
فقال لي اتفقنا علي عدة أشياء منها ....
- اتفق العقل علي عدم التفكير إلا بما هو نافع وهادف لك
- واتفقت العين علي عدم النظر إلا لمن يوافق عليه جميع أعضاء اللجنة المسئولة
- واتفق الضمير علي أن يظل منتبهاً لجميع الأفعال والتصرفات الصادرة منك
- وأنا قررت أن استقر وأحافظ علي نبضاتي بانتظام وألا أصدق أي رسالة يرسلها إلي أي مصدر إعجاب
مهما كان . حتى نجعل منك إنساناً سوياً
. له هدف في الحياة وله فكرة السديد في تكوين مستقبلة .
والعمل علي ترسيخ المبادئ الصحيحة والعناصر الجديدة في تنوير الطريق أمامك
للوصول إلي أرقي أرقي درجات التقدم والازدهار ..
عجزت عن المجادلة والمماطلة في الحديث .
الان أنا كلي خجل من نفسي ومن قلبي العزيز
وتعاهدنا علي أن ألا أقوم إلا لما فيه الخير لي ولنفسي ولجميع أعضاء جسدي .....

عايزين تعرفوا أنا مين .....

قلمى .. ليه عندك رجاء !! لا تنحنى وكمل كتابك ... صاحبك مقدر عذابك
هــذا أنا
طائر ومكسور جناحه بيضحك بين الطيور ومحدش يعرف مناحه
هــذا أنا
المظلوم السجين .. وحكمة محكمة السنين بعدم أطلاق سراحه
هــذا أنا
القلب الحزين .. شايل جواه كتير أهات وحزن وشجن وكلام لا يمكن يبوحه
هــذا أنا .... الضاحك الباكى